As-hab e Arba ke Naam

As-hab e Arba ke Naam 

1) Hazrat khawaj Abdul Raheem Mashriqi Aleyhir Rehma

2) Hazrat khawaja Abdul Kareem Maghribi Aleyhir Rehma 

3) Hazrat khawaja Abdur Rasheed Shumali Aleyhir Rehma

4) Hazrat Khawaja Abdul Jaleel Junubi Aleyhir Rehma.

Kya Aap Jantay hai?? Post #5 Hazrat Sayed Shah Aley Rasool Hasnain Miya Nazmi Marehravi Aleyhir Rehma

Kya Aap Jaantay hai ??

Compiled by : Hazrat Allama Syed Shah Aley Rasool Hasnain Miya Marehravi

Aleyhir Rehma

Transliterated by : Moinuddin Siddiqui Barkati.

First Chapter: 

Topic : Noor e Mohammadi

Post No : 5

8) Riwayat hai ki Huzur Sallallahu alaihi wasallam ke Dada Hazrat Abdul Mutalib ne Huzur Sallallahu alaihi wasallam ki Paidaish se kuch arsa pahley aap ko khawab me dekha ki ek sonay ki Zanzeer aap ki peeth se nikli ki ek taraf zameen me 

Aur ek taraf mashrik me hai aur 

Ek taraf maghrib me hai aur eske baad wah Zanzeer ek Darakth ho gayi ki uski pattiya par aisa Noor hai ki Suraj se Sattar Darja ziyada chamak raha hai ki vaisa Noor unhonay kabhi nahi dekha tha aur es Noor ki kirnay har ghadi badhti ja rahi thi aur Mashriq aur Maghrib wale es Darakth me liptay hue hai aur Arab aur ajam ke log esay Sajda

Kar rahe hai aur Quresh ke kuch log eske sath latkay hue hai. Aur Quresh ke kuch log esay kaatna chahtay hai jab eskay paas aatay hai tho ek haseen jawan unhay pakad kar unki peeth thod daalta hai aur unki aankhein phod daalta hai. 

Hazrat Abdul Mutalib ne yeh khawab Quresh ki ek jadu tona karne wali aurat se bayan kiya, usnay tabeer batayi ki Teri peeth se ek ladka paida hoga ki Mashriq aur Maghrib ke rahnay wale uskay mureed hongye aur Zameen Aasmaan ke rahnay wale uski hamd karengye . Esi wajah se Hazrat Abdul Mutalib ne aap ka Naam Muhammad rakhkha.

(Nuzhatul Qari ).

Hawala Kya aap jantay hai page 11-12 Hindi Edition).

Jari hai ............

kya Aap Jantay hai ?? post #4

Kya Aap Jaantay hai ??

Compiled by : Hazrat Allama Syed Shah Aley Rasool Hasnain Miya Marehravi

Aleyhir Rehma

Transliterated by : Moinuddin Siddiqui Barkati.

First Chapter: 

Topic : Noor e Mohammadi

Post No : 4

9) Zahoor e Nabuwat ki ibtada Ruyahey Sadiqa yani Sachchay Khawabo se hui jin ki Muddat 6 Maah thi . Surah Iqra ka Nujool Ramdhan me hua Es tarah Sabit hua ki Ruyahey Sadiqa ki ibtada Rabiul awwal Sharif se hui. 

Es Tarah Rabiul awwal Sharif ko Huzur Sallallahu alaihi wasallam

Ki Zaat e Tayyaba se 4 khususiyat hasil hui hai.

Wiladat, Wisaal, Takmeel e Hijrat, aur Zahoor e Nabuwat.

10) Imam e shaabi ne farmaya ki beshat e Aqdas ke Ibtadai 3 saal 

Hazrat Israfeel Aleyhis Salam wahi laanay par muqarar thae phir yeh khidmat Hazrat Jibraiel Aleyhis Salam ko saupi gayi unhi ki wasatat (Zariye) se pura Qura'an Nazil hua.

11) Huzur Sallallahu alaihi wasallam Kabah ke kabah hai esi liye Aap ki wiladat e paak par Kabah e Muazzama ne Hazrat e Amina Khatoon ke maqam ya Maqam e Ibrahim ki taraf Sajdah kiya tha.

                           Jari hai................

Kya Aap Jaantay hai?? Post #3 Hazrat Sayyed Shah Aley Rasool Hasnain Miya Nazmi Marehravi Aleyhir Rehma

Kya Aap Jaantay hai ??

Compiled by  : Hazrat Allama Syed Shah Aley Rasool Hasnain Miya Marehravi

Aleyhir Rehma Marehra Sharif.

Transliterated by : Moinuddin Siddiqui Barkati.

First Chapter: 

Topic : Noor e Mohammadi

Post No : 3

6) Hazrat e Jabir Radiallahu anhu

Se Marvi hai ki Sayyed e Aalam Sallallahu alaihi wasallam ne Farmaya Mai us Patthar ko pahchanta hu jo Beshat se Pahley Mujhe Salam kiya karta tha .

7) Hazrat Anas Radiallahu ta'ala anhu se riwayat hai ki Allah Ta'ala ne Takhleeq e kainaat se 2 Hazaar saal pahley Huzur Sallallahu alaihi wasallam ka Naam Muhammed rakhkha.

8) Rooh ki Tarakki 9 Qism par hai

1- Momin 2- Aabid 3- Zahid 4- Aarif

5- Wali 6- Nabi 7- Mursal 8- Ululazm

9- Khatim . Huzur Sallallahu alaihi wasallam me Kul Maratib Jamaa hai. Magar Huzur Sallallahu alaihi wasallam ka Martaba kisi me Jama Nahi .  

                          Jari hai...................

kya Aap jaantay hai?? Post #2 Hazrat Sayyed Shah Aley Rasool Hasnain Miya Nazmi Marehravi Aleyhir Rehma

Kya Aap Jaantay hai ??

Compiled by  : Hazrat Allama Syed Shah Aley Rasool Hasnain Miya Nazmi  Marehravi Aleyhir Rehma

Marehra Sharif 

Transliterated by : Moinuddin Siddiqui Barkati.

First Chapter: 

Topic : Noor e Mohammadi

Post No : 2

3) Hazrat Kaab Ahbaar Farmatay hai ki Jab Allah Ta'ala ne Hazrat Muhammad Sallallahu alaihi wasallam ko Paida karna Chaha tho Jibraeil Aleyhis Salam ko Hukm diya ki Safeed Mitti laao, Jibraeil Bahisht (Jannat) ke Farishto ke sath utray aur Hazrat ke Qabr sharif ki jagah se Mutthi bhar khaak Safeed Chamakti damakti utha laye phir woh Musht e khaak Bahisht ke chashmay Tasneem se Gundhi gayi yaha tak ki Safeed Moti ke Manind ho gayi jiski badi shuaa (Roshani) thi . Ba'daz Farishtay usay lekar Arsh aur kursi ke gird aur aasmano aur Zameen me phiray yaha tak ki tamam Farishto ne Aap (Roohe Anwar aur Ma'ddah Athar ) ko Aadam Alayhis Salam ki Paidaish se pahley Pahchan liya.

4) Ek Riwayat me aaya hai ki Maula e kareem ne apnay Habib Sallallahu alaihi wasallam ke Noor ko Hazrat Aadam Alayhis Salam ke Angutho ke  Nakhuno me aaina ki tarah Chamkaya Unhonay dekhtay hi Angutho ko Chum liya aur Aankho par Masah kiya (Pher liya).

5) Allah Ta'ala ne Hazrat Aadam Aleyhis Salam ki Paidaish se 2 Hazaar saa pahley Huzur e Aqdas Sallallahu alaihi wasallam ka Naam Apnay Naam ke sath Likha. 

                  to be continued.........

Kya Aap Jaantay hai ?? Post #1 Chapter Noor e Mohammadi Sallallahu alaihi wasallam

Kya Aap Jaantay hai ??

Compiled by  : Hazrat Allama Syed Shah Aley Rasool Hasnain Miya Marehravi

Aleyhir Rehma

Transliterated by: Moinuddin Siddiqui Barkati.

First Chapter: 

Topic : Noor e Mohammadi

Post No : 1 

1) Khaliq e kainaat Jalla Shanahu ne Sab se Pahley Noor e Mohammadi Sallallahu alaihi wasallam Takhleeq kiya (Banaya)

Hadees me hai Awwalo Maa khalaqallahu Noori  aur Ba Mutabiq 

Ana min Noorillah wal Khalaqu kulluhum Min Noori .

2) Allah taala ne Pahley Apnay Noor se  Apnay Payare Nabi Sallallahu alaihi wasallam ka Noor banaya phir Jab Aalam ko paida karna chaha to us Noor ke 4 Hissay kiye

Pahley se Qalam 

Dusray se lauh

Teesray se Arsh banaya phir 

Chauthay Tukday ke Char 4 Hissay kiye aur unse Malaika Hamilanay Arsh (Arsh e aazam ko uthaney wale )  kursi aur Bakiya Farishtay paida kiye .

                      to be continued.........

   

Ahley Bait se Muhabbat

Hazrat Abdullah bin Abbas Radiallahuanhuma bayan kartay hai ki Rasool Allah Sallallahu alaihi wasallam ne farmaya "Allah taala se Muhabbat rakhkho uski Nemato ka lihaaz rakhtay hue, Mujhse Muhabbat karo Allah ki Muhabbat ki khatir aur Mere Ahley Bait se Muhabbat karo Meri wajah se". 

(Tirmidhi Vol 2 Page 220) Durray Manshur Vol 5 page 702)

Marehra Sharif Me Nayi Masjid Zaid bin Ali ki Tameer Me Hissa len |Hazrat Waqare Millat Sayyed Sibtain Haider sb Barkaati ki taraf se Tameer e Masjid

Hazrat Waqare Millat Sibtain Haider sb Barkaati Sajjadah Nasheeen Khanqah e Barkatiya Marehra Sharif Ek Masjid bana rahe hai . (Marehra sharif UP India me).

*"Masjid e Zaid bin Ali"*

Es me Ek Musalla 

5000Rs, ka Rakhkha gaya hai 

Meri gujarish hai ki aap log Ziyada se Ziyada es me Hissa len .

Apne khandan ke Marhoomeen ke Naam se ek ek Musallah ki jagah  le len aur  unke liye jannat me Mahal banayen.

Agar hissa lena hai mujhse pls rabta karen

Moinuddin siddiqui Barkati💐🌹🤲

Google pay/phone pe 9821656862

Manqabat Hazrat e Abu Bakr Siddiq | Kalam e Nazmi Marehravi | Lyric Vazir e Shah e Risalat hai Hazrat e Siddiq

Vazir e Shah_e_Risalat |

Manqabat Hazrat Abu Bakar Siddiq RadhiAllahu anhu |

Kalam e Nazmi 

Vazir e Shah e Risalat hai Hazrat e Siddiq

Aseer e Zulf e Nabuwat hai 

Hazrat e Siddiq

Makeen e Qasr e Sadaqat hai 

Hazrat e Siddiq

Ameen e Aman o Amanat hai 

 Hazrat e Siddiq

Woh Jinko baad e  Nabi Afzalul Bashar kahiye

Sarapa Ahley Fazilat hai

Hazrat e Siddiq

Kalam e paak Jinko kahe Sani asnain

Rafeeq e Sahab e Hijrat hai Hazrat e Siddiq

Unho nay deen par sab kuch luta diya apna 

Haqiqi Saheb e Sarwat hai 

Hazrat e Siddiq

Mila hai Momin e awwal ka Iftekhar unhey

Nisaar e Maahe Nabuwat hai Hazrat e Siddiq

Mili hai baad e Nabi jinko Masnad e Irshaad

Woh Tajdar e khilafat hai Hazrat e Siddiq

Jinhey Nabi ne Musalla ata kiya  apna 

Woh Naaz o Shan e Imamat hai Hazrat e Siddiq

Na kyu ho Naaz Hame Unke Naam par Nazmi

Hamare Jad ki karamat hai 

Hazrat e Siddiq

Kalam Writeen by

Hazrat Sayed Shah Aley Rasool Hasnain Miya Nazmi Marehravi Aleyhir rehma

(Ba'adaz khuda page  no 291)

Manqabat Sayyeda Fatimah Zahra Salamullah alaiha |By Moin Barkati

Dukhtar e Sarwar e kaunain  Sayyeda Zahra
Hasan Husein ke dil ka chain  Sayyeda Zahra

Jiske dar par aaye jibraiel sawali bankar
Nayab e sarware kaunain  Sayyeda Zahra.

Ali jaisa kamil khawind mila jisko
Bangayi mazmaul bahrain sayyeda Zahra.

Sayyeda Zainab e kubra ki Ammi jaan
Hasan Husein jinke naiyan Sayyeda Zahra

MOIN e aasi bhi mangta hai tumhare darka
Ese bhi aa jaye chain Sayyeda zahra 

Kalam writeen by Moinuddin siddiqui Barkati (Moin Barkati) 

10 September 2021

Manqabat posted Today on 20 Jamadil Akhir 1443 Hijri 23 January 2022. 

Lyrics Alfaaz Nahi Miltay Sarkar ko kya khaiye |Kalam e Nazmi |

Alfaaz Nahi Milte Sarkaar Ko Kya Kahiye

Jibreel Salaami De Darbaar Ko Kya Kahiye.

Akhalqe Muhammad Ki Kya Shaan Niraali Hai

Dushman Bhi Padhe Kalma Kirdaar Ko Kya Kahiye.

Misaqe Azal Me Jo Iqraare Bala Thehra

Jaari Hai Wo Mehshar Tak Iqraar Ko Kya Kahiye.

Bas Ek Palak Jhapki Meraaj Hui Poori

Us Saahibe Rif’at Ki Raftaar Ko Kya Kahiye.

Thi Nutqe Muhammad Me Taasire Kalaame Rab

Fusha Bhi Bane Gunge Guftaar Ko Kya Kahiye.

Ek Ek Sahabi Par Firdaus Bhi Naazaan Hai

Siddique Umar Usman Karraar Ko Kya Kahiye.

Aye Toor Tujhe Shayad Wo Baat Na Bhooli Ho

Israar Ko Kya Kahiye Inkaar Ko Kya Kahiye.

Woh Gaar Ke Jisne Ek Tareekh Banaayi Hai,

Us Gaar Ko Kya Kahiye us Yaar Ko Kya Kahiye.

Nazmi Teri Naato Ka Andaaz Niraala Hai,

Mazmoon Anokhe Hai Ash’aar Ko Kya Kahiye.

Biography Of Huzur Sayyedul ulma Hazrat Maulana Syed Shah Aley Mustafa Sayyed Miya Marehravi Aleyhir Rehma (1915-1974)

Biography of Huzur Sayyedul ulma Hazrat Maulana Syed Shah Aley Mustafa Sayyed Miya Marehravi Aleyhir rehma.

Huzur Sayyedul Ulma Hazrat Allama Maulana Mufti Sayyed Shah Aley Mustafa Sayyed Miya Marehravi Aleyhir Rehma

Ka Naam Aulad e Haider Aley Mustafa hai.

Laqab : Sayyedul ulma , Sandul Hukma ,  

Muqtada e Ahley Sunnat etc.....

Kunniyat : Abul Hasnain

Takhallus : Sayyed Marehravi

Khandan : Aap Hussaini sadaat hai   Hazrat  zaid saheed ibne E Imam Zainulabideen Aley his Salam  ki aulad me  43 vi pusht me Aap ka Shajrah e Nasab Imam e Hussain AleyhisSalam se milta hai.

Maa ki taraf se bhi  ki taraf se bhi Aap Hussaini Sayyed hai.

42vi pusht me Sajrah e Nasab 

Hazrat Imam e Hussain AleyhisSalam se Jakar milta hai.

Paidaish : 25 Rajjab 1233 Hijri 9 June 1915 Baroz Budh ko Marehara Sharif me Paida hue

Walid : Aap ke walid Hazrat Sayyed Shah Basheer Haider  Aley Eba bin Hazrat Shah Husain Haider bahut bade Adeeb thae, Awara Takhallus farmatay thae aap Hazrat Qasim Miya Marehravi Aleyhir Rehma ke Damaad thae...

Walida : Sayyeda ShaherBano Beghum bint e Sayyed Shah Ismail Hasan Sb thi.

Bait o khilafat : Aap Apnay Nana  Shaikh e kaamil  Hazrat Sayyed Shah Abul Qasim Ismail Hasan Shahji miya se Mureed thae aur aap ke Khalifa bhi thae

Sath hi aapke Mamu jaan Hazrat Sayyed Shah Aulad e Rasool Muhammad miya Marehravi Aleyhir Rehma se bhi ijazat o khilafat hasil thi . Esi ke sath sath Hazrat Mehndi miya Marehravi Aleyhir Rehma ne Aur Hazrat SAYYED Shah Irtaza

Husein  bholey Miya sb Marehravi Aleyhir Rehma ne Apni Hayaat me hi aap ko Ijjazat o khilafat se nawaza Balki Apna wasi o janasheen bankar apni Gaddi par bitha diya.

Taleem o Tarbiyat : Aap ki Taleem o Tarbiyat aap ke Nana aur Mamu jaan ki aagosh me hui Khanqah shareef me hi Hifz e Quran kiya aur Bade umda Qari baney......Maualana  Hashmat Ali sb aur Sadrusshariya Maulana Amjad Ali Aleyhir Rehma ke khaas Shagirdo me aap ka shumar hota hai Jamiya Moiniya Se Dastar e Fazilat hasil farmayi.

MA Ke Barabar degree Deeniyat Molvi Aalim ki Punjab Board se Hasil ki, Aligarh Muslim University se Tibbay unani me  Hiqmat ka Diploma

DIMS  bhi kiya

Zahiri Taleem tho yeh thi Batni khuda jane  Hazrat Mufti Shareeful haq sb Amjadi  farmatay hai ki zaheeri taleem tho yeh thi batini khuda jane Machli ke bachcho ko tairna kab kaun sikhata hai,......

Ilmi kaarnama : 

"Mukadas khatoon" aur "Nai Roshani" do deeni Novel tehrir me milti hai ek Tanqeedi Maqala Faiz e Tambiya bhi shaya hua

Sher o Shayri 

Aap ne Kai Naat o Manqabat kahi hai Humne Apnay Hazrat se suna tha ki Aligarh se Marehra jatay hue Aap ki Dairy aur suitcase chori hogaya tha jisme me Yeh sarmaya bhi tha

Kai Naat o Manqabat milti hai Tanveer e Mustafa me Sayyed e Millat ne aap ke kai kalam jama kiya  hai

Mufti Taufeeq Ahsan Barkati ne bhi Aap ke kalaam ko Apni Kitab "Sayyedul ulma shakash wa Aks" me Jama kar diya hai

Aap ka Takhallus "Sayyed" tha.

Aap ka Mashoor e Zamana Sher Har khaas o aam ki zuban par rahta hai 

"Kisi ki Jai Vijay Hum kyu pukaren kya garaz humko

Hame Kafi hai Sayyed Apna Naara Ya RasoolAllah"

"Hussain tumko Zamana salam kehta hai " Aap ka bahut hi Mashoor salam hai jo Muharram ki majliso me aksar padha jata hai

Mumbai Me Khateeb o Imam. :

1949 Me Aap Mumbai Tashreef laye aur Masjid e khadak ki Khitabat aur Imamat ki Zimmedari Sambhali aur Akhari Dam tak (1974) Wahi rahe.......

Khitabat : 

Huzur Sayyedul ulma Hazrat Maulana Syed Shah Aley Mustafa Sayyed Miya Marehravi Aleyhir Rehma Bahut paye ke Khateeb thae..

Balki Apne zamane ke khateeb e Azam thae .

Muharram Shareef Me Chimna buther Street Mumbai me 10 din Tak khitaab farmate thae.

(Balki Mumbai me Muharram commetteeya Qayam farmayi 

Puray Hindustan se Ulma ko bulatay aur Unko alag alag jagah par Takrir ke liye bheja kartay , agar koi Aalim rah jata tho apne zebe khaas se usko nazrana dekar bhejtay thae.)

11Vi Shareef Me 11Din Bhisti Mohallah Dongri MUMBAI me Bayaan farmate thae.

Khitabat me aap ka apnay zamanay me koi Sani nahi tha

Ek Martaba Ahmedabad me Fajr ki Subah tak Akele bayan farmaya tha ......

Bahtareen Munazir bhi thae aap ne Kai jagah Munazara bhi   kiya khaas karke Zuri ka Munazara , Bhiwandi ka Munazra kabil e zikr hai

All India Sunni Jamiyatul ulma ki Conference (1963)  me  kanpur me Woh Tareekhi khutba diya ki aaj tak yaad kiya jata hai aaj bhi Ahley Sunnat us par amal kare tho Kamyabi hasil karen.

Aap ke kai khitaab Ko Sab se pahley Barkaati channel ne 

youtube par Upload kiya hai.

Aap ke khutbaat ka Majmua es Faqeer e Barkati (Moin Barkati) ki farmaish par Mufti Taufeeq Ahsan Barkati ne Qalam band kiya aur Bazm e Barkaat Aley Mustafa Mumbai ne usko chapa .

Talbeegi Dauray : - 

Hindustan ke Mukhtalif hisso me  dehato me gaon me  Mumbai Maharashtra Karnataka Gujarat MP UP Bihar me  Rajasthan me Talbeegi Dauray farmatay 

India ke Bahar Nepal ka bhi Daura farmaya kai log  Aap ke haato par musharaf ba Islam bhi hue....

Hazaro lakho Mureed thae lekin Hamesha Gareebo ko tarjeeh di  Mere Walid Hazrat Baba Abdul Qadir siddqui  Barkati farmaya kartay ki Sayyedul ulma agar chahtay apni khanqah  Sonay ke einto se banwa letay ...lekin woh ek sachchay Durwesh e kaamil thae jo duniya ki daulat ke peechey kabhi na gaye....

Apney Mureedo ko Hamesha Taleem dete ki Beta Faldaar darakhth Bano  Faldar darakth hamesha jhuka hota hai aur Khali jhaad tana hua rahta hai..

Kabhi farmatay phool Bano taki log Dastar me sajayen Galey ka haar banaye Pathhar na bano ko woh Logo ki Thokar me hota hai.

Farmatay Beta Hamesha Dastarkhan wasi Rakhkho kabhi Rizq tang nahi hoga.

Apnay ek Bayan me Farmatay hai ki Ek Martaba Ek Shaqkh me Black board par ek Lakeer kheench di aur kaha esko kaatna nahi hai Mitana nahi hai 

Esko chota karke dikhao 

Sab pareshan hogaye 

Ek Aqal mand aaya aur Chalk lekar aaya aur usnay us lakeer ke  barabar apni thodi badi lakeer kheench di.... Woh pahley wali  lakeer apnay aaphi 

 choti hogayi , Aap phir farmatay hai yehi Mai kahta hu Unko kaatao mat Mitane ki kosish mat karo bas apni lakeer badi bana do.

Ahem Kaarnama :

✓Puray Hindustan me Madaris 

 e Ahley Sunnat ka Qayaam

✓ 1956 me All India Sunni Jamiyatul ulma ka Qayam.

✓ Juloos e Ghausiya Ka Qayaam

✓ Salana Shaheed e Azam Conference ka Qayaam 

✓ Ahley Sunnat ko ek Parcham diya Jisme Gumbad e khizra hai aur usi ke niche sab ko jama bhi kiya ek platform par

✓ Ruyat e Hilal commette ke head tahe Jama masjid Mumbai Jaya kartay thae aur Ahley Sunnat ki Numaindagi ka haq ada farmaya, Aap ka faisla akhiri faisla hua karta tha aap 29 ko Haji Ali Samndar me kashti se Ahbab ke sath khud chand dekhne jaya kartay thae..

✓ Hazrat Hafeez e Millat Maualana Abdul Aziz sb ki Dawat par Aljamiyatul Ashrafia Mubarakpur Arabic University ka Sange Buniyad Mufti e Azam ke sath milkar rakhkha.

✓ Hafiz e Millat se Tareekhi jumla farmaya Jaha Aap ka paseena girega Yeh sayyed apna khoon baha dega Ashrafia ke liye......

✓ Mumbai ki Sunniyat ko Mazboot karne ke liye Huzur Ashraful ulma Hazrat Maulana Syed Hamid Ashraf kichochawi ko Mubararpur se Mumbai bulaya aur Zakariya masjid ki Imamat saupi 

✓ Huzur Ashraful ulma ke Sath milkar Daruluoom Muhammadiya ka Qayam farmaya aur unka bharpur support Kiya Balki jaha jaha Daftar se Khateeb Muharram Shareef me jatay bayan karne ya Ramzan me taraveeh ke liye unko Muhammadiya ki Raseed Book diya kartay ki Chanda karke layen....

✓ Fatwa lene koi aata Usko Madanpura Badi Masjid Maualana Mehboob Ali Sb ke paas bhejtay

✓ Mureed honay log aatay unko Zakaria masjid bheja kartay thae ......(yeh unki Muhabbat thi aur dusro ko aagaye badhane ka Zazba tha jo aaj logo me nahi raha )

✓ Marehra Sharif se seh Mahi Risala Ahley Sunnat ki awaaz nikala kartay thae uskey mudeer e aala (chief Editor) thae.

✓ Masjid e Aqsa Par Hamley ke khilaf Tareekhi Ahtejaj

✓ Nasbandi ke khilaf Mulkgeer Ahtijaz kiya 

✓ Hukumat e Hind Se aksar farmaya kartay Bitya Indira kaan kholkar sun lo Tumhare paas Kursi hai Humaray paas Aytul kursi Hai 

*Hukumat ne Rajyasabha ki seat offer kiya tha usko tukra diya aur farmaya "Humare paas Aytul kursi hai Hame kursi ki zarurat nahi hai".

Wisaal : Aap ka Wisal 10 Jamdil Akhir ka Din guzarkar 11 Jamadil Akhir 1394 Hijri ki raat 11.40 min par Mumbai ke Ismailiya Hospital me Wisaal farmaya

Angrezi Tareek thi 1 July 1974.

Wisaal ke waqat aap ke seene par Shifa Shareef rakhkhi hui thi......

Namaz e Janaza : 

Pahle Namaz e Janaz Huzur Ashraful ulma Hazrat Maulana Syed Hamid Ashraf jilani  kichochawi ne Mumbai me jhula maidan me padhai

Huqumat e Hind ki taraf se  Toopo ki salami di gayi aur sarkari aijaz se ruksat kiya gaya....janaza Plane Se Delhi waha se Marehra Sharif laya gaya waha Aap ke Eklowtay sahabzade Hazrat Allama Aley Rasool Hasnain Miya Nazmi Marehravi ne padhai.

Aulaad :  Aap ke ek Sahabzade thae Hazrat Allama Sayed Shah Aley Rasool Hasnain Miya Nazmi Marehravi aur 5 Sahabzadiya thi.

Khulfa : -

1) Hazrat Sayyed Aley Rasool Hasnain Miya Nazmi Marehravi

2) Hazrat Sayyed Ashraf Miya sb

Marehravi.

3) Maulana Abdul Qadir khatri sb Mumbai 

4) Sufi Sakhawat Ali sb Maghar UP

5) Maulana Gulam Abdul Qadir Alvi sb Barawan Sharif UP 

6) Mufti Zaish Muhammad sb Nepal

7) Sufi sb Bihar 

Mazaar e Mubarak : 

Aap ki Tadfeen khanqah e Barkatiya Marehra Sharif me aap ke Murshid aur Nana jaan Shah Qasim Miya Marehravi Aleyhir Rehma  ke mazar e Mubarak ke sehan me hui

Apnay Murshid Hazrat Nazmi

Miya Marehravi Aleyhir Rehma ke es Sher par Apna Mazmoon khatam karta hu

Nazmi Aasi ne Yeh Kahkar rakhkha apna Qalam

Hum pe Thae Allah ki Rehmat Hazrat e Sayyed Miya

Duao ka Talabgaar

Khadim e Barkatiyat  Gulam e Nazmi 

Moinuddin siddiqui Barkati

Khadim Bazm e Barkaat Aley Mustafa Mumbai.

11 Jamdil Akhir 1443

14 Jan 2022. Juma

Allah es choti si khidmat ko kubul Farmaye aur toshaye akhirat banaye .

Aameen