Kisi ki jay Vijay Hum kyu pukaren kya garaz humko Lyrics | Kalam Sayyedul ulma

Kisi ki jay Vijay Hum kyu pukaren kya garaz humko Lyrics | Kalam Sayyedul ulma

Khuda ne Khud tumhe aisa sawara Ya Rasool Allah

Nahi Mumkin ki ho sani Tumhara Ya RasoolAllah

Karam tera jisay chahe woh ho Jannat Makaa(n) aaqa

Ki hai Firdous pe tera Ijazra Ya RasoolAllah

Janab e Shaikh Naza hai Bahut kuch  zohd o taqwa par

Hame tho hai Faqat tera Sahara Ya RasoolAllah

Safeena Teri Ummat ka Bhawar me Fas gaya Aaqa

Khudara ab  mile usko  kanara ya Rasool Allah

Gulamaney Dare aqdas tamanna leke aaye hai

Ki chamkay Sunni o ka Sitara ya RasoolAllah

Abhi Bigday hue sare Hamarey kaam ban jaye 

Teri Rehmat agar kar de Ishara Ya RasoolAllah

Na kyu Aala ho woh Parcham na kyu uncha ho woh Parcham

Ki Zeenat jiski ho Gumbad Tumhara Ya RasoolAllah

Yeh Surkh o Sabz Rangat Mashade Sibtain ne di hai

Alam Hasnain ka parcham Humara ya RasoolAllah

Jalale Qubbay khazra ke aagye kham hua Pahley

Utha ke sar ko Phir parcham Pukara Ya RasoolAllah

Kisi ki Jai Vijay Hum kyu pukaren kya garaz Humko 

Hame Kafi Hai sayyed Apna Naara ya RasoolAllah

Kalam : Huzoor Sayyedul ulma Hazrat Allama Maulana Mufti Shah Aley Mustafa Sayyed Miya Marehravi Aleyhir Rehma