Hazrat Sayyedul Ulma ki Nasihat Apnay Mureed ko
Dastarkhan wasi karo Bhuke Nahi rahogye...
Mere Walid Hazrat Baba Abdul Qadir Siddiqui Kahtay hai
Ki Mere Ghar me 3 din se Faka tha .... Ghar me chulah nahi jala tha .....
Ek sakh aaya usnay mujhe 100 Rs Nazrana pesh kiya
Meri aadat thi ki Juma Khadak Masjid me Huzur Sayyedul Ulma ke pichay padha karta tha
Taxi pakda Mumbai chala gaya 70 Rs bache thae sab nikal kar Hazrat ko pesh kar diya Hazrat ne kabul kar liya Baat cheet hoti rahi Hazrat ne kaha bhai khuda Hafiz sab chale gaye Mai baitha raha Hazrat ne Farmaya Beta Abdul Qadir kya hu tum nahi gaye ....
Mai Ronay laga Hazrat ne pucha kya hua Maine kaha ki huzur Ab aur imtehaan na le Mai bhuka rah sakta hu Meri Biwi Bhuki Rah sakti hai Haan Meri Masoom 5 saal ki bachchi yeh Bhuki rahe Faka karen Bardasth nahi hota
Hazrat ne mujhe galay lagaya aur Dua di Jo Maine nazar pesh kiya tha usme kuch apni taraf se milaya aur Mujhe diya aur Farmaya "Jao Apna Dastarkhan wasi karo
Insha Allah kabhi Bhuke nahi rahogye ".
Mere Walid Farmatay usdin ka din hai aur aaj ka din hai
Kabhi mere ghar Faka Nahi hua Balki Mere Dastarkhan par 2-3 log Bahar ke khana khatay hi rahtay...
Article By
Moinuddin Siddiqui Barkati Ibne Hazrat Baba Abdul Qadir Siddiqui Barkati
15 Ramdhan 1446 Hijri.
