Salam Bargaah e Imam e Hussain Aleyhissalam

https://youtu.be/8absrhtDBAY

*SALAAM BA HUZOOR IMAAM AALI MAQAAM ARSH MARAM SAYYEDUH SHUHADA IMAM HUSSAIN(Alaihis Salaam)*

*Tumhare sajde ko kaaba salam kehta hai*
*Jalaal e quba e khazra salaam kehta hai.*

*Chaman ka har gul wa guncha salaam kehta hai*
*Hussain tum ko zamana salaam kehta hai.*

*Charaag wa masjid wa mimbar salaam kehte hain*
*Nabi rasool payamber salaam kehte hain*

*Ali wa Fatima Shabbar salaam kehte hain*
*Khuda gawaah ke Nana salaam kehta hai.*

*Khuda ki raah me sar ko kata diya tumne*
*Nabi ke deen pe ghar ko luta diya tumne*

*Nishaan e kufr ko yaksar mita diya tumne*
*Tumhe khuda bhi tumhara salaam kehta hai.*

*Tumhein falak ke sitaare salaam kehte hain*
*Tumhein Quraan ke paare salaam kehte hain*

*Tumhein Haram ke minaare salaam kehte hain*
*Imaam tum ko Madina Salaam kehta hai.*

*Sana Tumhari wazeefa hai mera Aabai*
*Tumhari madh to shewah hai mera mawlai*

*Bas ek nazar ho jo mujh par to meri ban aayi*
*Tumhara SAYYID shaida Salaam kehta hai.*

*Written by: SAYEDUL ULEMA SAYED SHAH MUSTAFA QADIRI BARKAATI (Alayhir Rahma)*

Message By Waqaare Millat

Muharram aa rahe hain...

Ahle silsila se chand guzarishat:
1. Beshaq Muharram Islami calendar ka pehla mahina hai. Magar iski qawi nisbat farzand e rasool ala jaddihi wa alaihi afzalus salawat sayyiduna Imam Husain se hai. Isi mahine main karwane ahle bait ko bedaregh 3 din ka bhuka pyasa qatl kiya gaya😓 ye husainiyo ke liye khushi ka din nahin bulki us azeem qurbaani ko yaad karne ka mahina hai jo Hazrat e Imam aur unke ashaab o itrat ne apna sur katakar di... khuda ra muharram ki mubarakbaadiyo ke messages na bhejein... aur ia maah ki mubarakbaad dete waqt sochein ki agar aap rasool e girami alaihi wa ala aalihi wassalma ke saamne hote to kya isi tarah unke ladlo per toote mazalim o jafakashi ke pahad ki mubarakbaad aan huzoor alaihis salato was salaam ko bhi dete ki "huzoor! Ali akbar ki luti jawani per mubarak!😓 qasim bin hasan e mujtaba per zalimo ke diye hue eik eik qatilana hamle per mubarak!😓 aun o mohammad ki nanhi lasho per mubarak😓 hareem e ahle bayt ke sare bazaar khule sur o seene ghaseetey jane pe mubarak😓 nanhe ali asghar ke guloo e athar se chootne wali khoon ki pichkaari per mubarak😓 ya phir aapko abbas e alamdaar ke katey bazuon per itni khushi haasil hui ki aap uaki mubarakbaadiyan pesh karrey hain aur phir jis gardan ko aap bosa diya kartey the us husain ki kati hui gardan ki yazeedi neze per kaewayi jane wali numaish per mubarak😓" Tuff hai us ummat per! Jo karbala jaisi qayamat per mubarakbaadiyan deti nazar aati hai..
Arey qatle ahle bayt  mubarakbaad exchange karne ka mauqa hai ya gham e ahle bayt main shareek hone ka waqt hai??? Khuda ra khuda ra Allah se daro aur Rasoolallah se sharm karo ki kya munh dikhaogey qayamat ke din. Kya apne aapko usi giroh main shamil karwaogey jo qatle imam per khushiyan manatey they? La haula wa la quwwata illa billahil aliyyil azeem.

Allah ghame Imam ko samajhne aur is qism ki laghw harkato se baaz aaney ki taufeeq dey.

Ghulame az ghulamane ahle bayt,
Syed Sibtain Haider Zaidi,
Camp: khanqah e barkaatiya
Badi sarkar
Marehra shareef.

Chalo Marehra Sharif

Urs e sayyedi Barkati

24.25 26 February 2017.
Marehra sharif
UP India